"تۇركسىب اۋدانىنىڭ قوعامدىق كەڭىستىگىنىڭ اباتتاندىرۋ جۇمىستارىمەن تانىستىم. ەسەپ بەرۋ كەزدەسۋلەرى كەزىندە تۇرعىنداردىڭ وزدەرى ۇسىنعان ۋچاسكەلەرگە ەرەكشە كوڭىل ءبولىندى. مىسالى جاس كانات ىقشام اۋدانىنداعى قاراۋسىز قالعان جەردىڭ ورنىنا ساياباق, ال سوبولەۆ كوشەسىندە سپورت الاڭى پايدا بولدى. جاڭارتىلعان "بۋدەنىي" الاڭىمەن بىرگە بۇل جەرلەر ەرەسەكتەر مەن بالالاردىڭ سۇيىكتى مەكەنىنە اينالدى. مۇندا ۋاقىتتى ءتيىمدى وتكىزۋگە بارلىق جاعداي جاسالعان.
⠀
اۋلالار رەتكە كەلتىرىلۋدە. احمەتوۆ كوشەسىندەگى ءۇي تۇرعىندارىنىڭ ايتۋىنشا, ولار ءۇي ماڭىنداعى اۋماقتىڭ جوندەلۋىن 30 جىل كۇتكەن. زاماناۋي ويىن, ۆوركاۋت جانە دەمالىس ايماقتارى تۇرعىندار ءۇشىن تاپتىرماس ورىن بولدى. ولار بىرلەسە اۋماقتى كوگالداندىردى. ەندى ميب قۇرۋ ماسەلەسىن قولعا الىپ, ءوز اۋلالارىندا ءتارتىپ ورناتپاقشى. بۇل — قۇپتارلىق ارەكەت. تۇرعىندار تۇرعىن ءۇي شارۋاشىلىعىن ۇستاۋ ماسەلەلەرىن ءوز بەتىنشە شەشۋگە قۇقىلى جانە شەشە دە الادى", دەپ جازدى قالا اكىمى.
